რეგლამენტის თანახმად, როგორც წესი, პარლამენტი ქვეყნის მდგომარეობის უმნიშვნელოვანეს საკითხებზე პრეზიდენტის ყოველწლიურ მოხსენებას საგაზაფხულო სესიის პლენარული სხდომების პირველ დღეს ისმენს.
დღევანდელი პარლამენტის პლენარული სხდომა 14:00 საათზე დაიწყება.
სალომე ზურაბიშვილმა პრეზიდენტის რანგში პარლამენტს პირველი ანგარიში გასული წლის 6 მარტს წარუდგინა, რომელსაც პროტესტის ნიშნად „ნაციონალური მოძრაობისა“ და „ევროპული საქართველოს“ წევრები არ დაესწრნენ.
აღნიშნული ოპოზიციური ფრაქციები ამჟამად, ბოიკოტის რეჟიმში იმყოფებიან და შესაბამისად, პრეზიდენტის დღევანდელ გამოსვლაზე დასწრებას არ აპირებენ.