ყველა დროის ყველაზე გლამურული ფილმები, რომლებმაც მოდა შექმნეს

1. „რა გზით წავიდე“ | What A Way To Go

ესაა კომედია ამერიკელი ქალის, ლუიზა ფოსტერის შესახებ, რომელიც 4-გზის განქორწინებულია და ქონებას სწორედ განქორწინებებით აგროვებს. ლუიზას უყვარს გლამურული და მდიდრული ცხოვრება, რაც მის გარდერობშიც ნათლად აისახება. როგორც The Hollywood Reporter აცხადებს, მისი სტილი დელიკატური ოქროს შუალედია პაროდიასა და რეალობას შორის.

2. „ქეროლი“ | Carol

ფილმი მოგვითხრობს მანჰეტენში მცხოვრებ, ელიტარული საზოგადოების წევრ ქეროლზე, რომელსაც ძალიან დახვეწილი და ელეგანტური სტილი აქვს. კოსტუმების დიზაინერმა, სენდი ფაუელმა ქეით ბლანშეტის პერსონაჟისთვის სწორედ ისეთი ლუქები შეარჩია, რომელიც ყველაზე კარგად გამოხატავდა მის ბუნებასა და ძალაუფლებას.

3. „ბარბარელა“ | Barbarella

შეუდარებელი ჯეინ ფონდა ამ ფილმში აგენტის როლს ასრულებს, რომელიც მსოფლიოს გადასარჩენად Paco Rabanne-ს შთაგონებით შექმნილ სამოსში იბრძვის.

4. „დიდებული გეთსბი“ | The Great Gatsby

გლამურული, მოდური 1920-იანები და „დიდი გეთსბი“, რომლის სტილიც დღესაც აქტუალური და განსაკუთრებულია. კოსტუმების დიზაინზე Prada და ქეთრინ მარტინი ზრუნავდნენ.

5. „მილიონერები“ | The Millionairess

რას იცვამს მსოფლიოში ყველაზე მდიდარი ქალბატონი იმ დროს, როცა სიყვარულისთვის იბრძვის? რა თქმა უნდა, ფრანგულ, ყველაზე ძვირფას სამოსს. სოფი ლორენმა ფილმ „მილიონერებში“ Pierre Balmain-ის შთამბეჭდავი კოსტუმები მოირგო.

6. „რომეო + ჯულიეტა“ | Romeo + Juliet

„რომეო და ჯულიეტას“ ბაზ ლარმანის ადაპტაცია განსაკუთრებით ცნობილია მოდური მომენტებითა და სტილით. რეჟისორს სურდა, რომ პერსონაჟების სამოსი მათი სოციალური ფენის გამომხატველი ყოფილიყო. აღსანიშნავია, რომ ამ ფილმის კოსტუმების დიზაინზეც Prada ზრუნავდა.

7. „მარი ანტუანეტა“ | Marie Antoinette

არ შეიძლება არ ვახსენოთ სოფია კოპოლას შედევრი, „მარი ანტუანეტა“, რომელშიც რეჟისორმა ფრანგული დესერტის, მაკარუნების პასტელური ფერები გამოიყენა.

8. „მხიარული სახე“ | Funny Face

რა თქმა უნდა, ოდრი ჰეფბერნის შესრულებით ყველა ფილმი მოდური და შესანიშნავია, თუმცა ფილმი „მხიარული სახე“ განსაკუთრებით ცნობილია მისი შთამბეჭდავი კოსტუმებით.

წყარო: Regarder.ge