ილია მეორე სალიბაურის წმინდა სამების სამონასტრო კომპლექსში პარაკლისს ასრულებს
ბათუმთან ახლოს, სალიბაურის წმინდა სამების სამონასტრო კომპლექსის მშენებლობაში მიღებული წვლილისთვის სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ რუსეთში მოღვაწე ქართველი ბიზნესმენი შალვა ბრეუსი ეკლესიის უმაღლესი ჯილდოთი, წმინდა გიორგის ორდენით დააჯილდოვა.
წმინდა სამების სამონასტრო კომპლექსში ამ წუთებში პატრიარქი მღვდელმთავრებთან ერთად წმინდა სამების პარაკლისს ასრულებს. ახლად გახსნილ ტაძარში დღეს პატრიარქი მიბრძანდა და პარაკლისის დაწყებამდე ტაძარში შეკრებილ მრევლს ქადაგებით მიმართა.
„დღეს არის ბედნიერი დღე საქართველოს მართლმადიდებელ ეკლესიაში. ეკურთხა წმინდა სამების დიდებულიტაძარი. ჩვენ ვდგავართ იმ წმინდა ადგილზე, სადაც ყოვლადწმინდა ღვთისმშობლის ხატით საქართველოშიმოციქული ანდრია პირველწოდებული შემოვიდა; სადაც აღავლინა ლოცვები საქართველოს მშვიდობისა დაკეთილდღეობისთვის. როცა მოციქულმა დააპირა, გაეგრძელებინა გზა საქართველოში, ადგილობრივმამოსახლეობამ სთხოვა, რომ დაგვიტოვე ღვთისმშობლის ხატიო. მოიტანეს ფიცარი, მიადეს ამ ხატს და გამოისახაახალი ასლი. ის იყო დატოვებული აქ. ეს არის უდიდესი ადგილი და ჩვენ ვმადლობთ უფალს, რომ უფლისწყალობით აშენდა ეს დიდებული ტაძარი წმინდისა სამებისა”, – ბრძანა უწმინდესმა.
პატრიარქმა დალოცა ყოველი ადამიანი, რომლებმაც მიიღეს მონაწილეობა სამონასტრო კომპლექსის მშენებლობაში.
„ამ პროცესში ჩვენ არ უნდა დავკარგოთ ის საუნჯენი, რომელიც დაგვიტოვეს ჩვენმა წინაპარმა. ჩვენ უნდავიცოდეთ, სად არის ჭეშმარიტი და სად არ არის ჭეშმარიტება. სად არის კეთილი და სად არის ბოროტი. დღესადამიანს უნდა ჰქონდეს მახვილი გონება, ანალიტიკური აზროვნება, რომ გაარკვიოს, სად არის ჭეშმარიტი. ჩვენვმადლობთ უფალს, რომ ჩვენ გვაძლევს ამ გონებას. მე მინდა მივულოცო მთელ საქართველოს ეს ბედნიერი დღე.წმინდა სამების მადლი ფარავდეს თქვენ, მთელ საქართველოს და მთელ მსოფლიოს. წმინდა სამების მადლი,მამისა და ძისა და წმინდისა სულისა, “იყავნ თქვენ ზედა და საქართველოსა ზედა და მთელ მსოფლიოსა ზედა”, – ბრძანა უწმინდესმა.
უწმინდესმა განსაკუთრებით დალოცა ის ადამიანები, რომლებმაც უშუალო მონაწილეობა მიიღეს ტაძრის მშენებლობაში. ამასთან დაკავშირებით პატრიარქის გადაწყვეტილება ბათუმისა და ლაზეთის მიტროპოლიტმა დიმიტრიმ წაიკითხა. კერძოდ, საქართველოს საპატრიარქოს, ბათუმისა და ლაზეთის ეპარქიის განვითარებისთვის შეტანილი გამორჩეული წვლილისთვის შალვა ბრეუსი საქართველოს სამოციქულო ავტოკეფალური მართლმადიდებელი ეკლესიის უმაღლესი ჯილდოთი წმინდა გიორგის ორდენით დაჯილდოვდა. მას ორდენი თავად პატრიარქმა გადასცა.
საპატრიარქოს სიგელით დაჯილდოვდნენ: ოთარ და დავით დარჩიები, ვახტანგ ტატუნაშვილი, დავით ხიდაშელი,ამირან და ბადრი ბაკურაძეები, მიქაელ სოზიაშვილი, მალხაზ ლობჟანიძე, მამუკა გრიგოლია, არჩილმინდიაშვილი, ზაზა სხირტლაძე, გიორგი მაისურაძე, ზურაბ ჩიქვინიძე, ლევან ჭანუყვაძე, გია კახიძე, ალექსანდრეგინკო, გრიგოლ რუხაძე, გელა გიორგაძე, არკადი ბერიძე.
პატრიარქმა ქადაგებისას ბრძანა, რომ საქართველოში ბოლო წლებში მრავალი ტაძარი აშენდა, მრავალი მონასტერი დაარსდა და მსგავსი სიგელები ყველა ეპარქიაში იქნება გადაცემული, სადაც შემომწირველთა და აღმშენებელთა ღვაწლი აღინიშნება