საქართველოს მთავრობამ გადაწყვეტილების მიღებიდან 7 თვის შემდეგ, განკარგულება შეცვალა და ყოვლადწმიდა სამების საკათედრო ტაძარს ხანძრის შედეგად დაზიანებული ინფრასტრუქტურის რესტავრაცია-აღდგენისთვის სარეზერვო ფონდიდან 3 737 400 ლარს აღარ გამოუყოფს.
მთავრობის გადაწყვეტილებით საკათედრო ტაძარი სარეზერვო ფონდიდან მხოლოდ 737 400 ლარს მიიღებს.
მიზეზი ის ცვლილებაა, რომელიც საქართველოს მთავრობის 2016 წლის 30 დეკემბერის განკარგულება №2732-შია აღნიშნული:
„საქართველოს საპატრიარქოსთვის საქართველოს მთავრობის სარეზერვო ფონდიდან თანხის გამოყოფის შესახებ“ საქართველოს მთავრობის 2016 წლის 5 მაისის № 784 განკარგულებაში ცვლილების შეტანის თაობაზე
საქართველოს ზოგადი ადმინისტრაციული კოდექსის 63-ე მუხლის შესაბამისად, „საქართველოს საპატრიარქოსთვის საქართველოს მთავრობის სარეზერვო ფონდიდან თანხის გამოყოფის შესახებ“ საქართველოს მთავრობის 2016 წლის 5 მაისის № 784 განკარგულებაში შეტანილ იქნეს ცვლილება და ტექსტი ჩამოყალიბდეს შემდეგი რედაქციით:
„სამების საკათედრო-საპატრიარქო ტაძარში გაჩენილი ხანძრის შედეგად დაზიანებული ინფრასტრუქტურის რესტავრაცია-აღდგენისა და მასთან დაკავშირებული ხარჯების დაფინანსების მიზნით, საქართველოს ფინანსთა სამინისტრომ „საქართველოს 2016 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს მთავრობის სარეზერვო ფონდიდან საქართველოს საპატრიარქოს გამოუყოს 737 400 (შვიდას ოცდაჩვიდმეტი ათას ოთხასი) ლარი”, – ნათქვამია განკარგულებაში .
ipress.ge